२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । स्थानीय बजारमा बुधबार सुनको मूल्यमा सामान्य वृद्धि भएको छ । नेपाल सुनचाँदी व्यवसायी महासंघका अनुसार मंगलबारको तुलनामा बुधबार प्रतितोला ३ सय रूपैयाँले सुनको मूल्य बढेको हो ।
मूल्य बढेसँगै बुधबार सुनको मूल्य प्रतितोला १ लाख ६८ हजार ५०० रुपैयाँ पुगेको महासंघले जनाएको छ ।
यसअघि मंगलबार सुन प्रतितोला १ लाख ६८ हजार २०० रुपैयाँमा कारोबार भएको थियो । जुन तिहारअघिको अन्तिम कारोबार दिनको तुलनामा २८ सय रूपैयाँले कम हो ।
सुनको मूल्य बढेपनि बुधबार चाँदीको मूल्य भने घटेको छ । मंगलबार तोलामा २ हजार ३० रुपैयाँमा कारोबार भएको चाँदीको मूल्य बुधबार १५ रुपैयाँ घटेर २ हजार १५ कायम भएको महासंघले जनाएको छ ।
अन्तराष्ट्रिय बजारमा सुनचाँदीको मूल्यमा भएको उतारचढावको प्रभाव स्थानीय बजारमा पर्ने गरेको छ । जसअनुसार नै मूल्य घटबढ भइरहेको बजारका जानकार बताउँछन् ।
© 2025 All right reserved to khabarcnter.com | Site By : Sobij
