२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । जसपा नेपालले पार्टीको अभियानमा संलग्न नहुने नेता तथा कार्यकर्तालाई कारबाही गर्ने भएको छ । उसले सुरू गरेको चार महिने अभियानमा जो–कोही नेता तथा कार्यकर्ता संलग्न नभए कारबाही गर्ने निर्णय गरेको छ ।
जसपाले पार्टीको माथिल्लोदेखि तल्लो तहसम्मका संगठनमा आवद्ध नेता तथा कार्यकर्तालाई ‘जनतासँग जसपा अभियान’मा सक्रियताका साथ लाग्न निर्देशन दिएको छ ।
उसले अभियानको क्रममा पार्टी सुदृढीकरण एवं शुद्धीकरण गर्ने कार्यलाई पनि निरन्तरता दिने उद्घोष गरेको छ । यस्तोबेला निष्क्रिय हुने पार्टीका जो–कोहीलाई कारबाहीको दायरामा ल्याइने जसपा अध्यक्ष उपेन्द्र यादवले बताए ।
अभियान भदौ ९ गतेदेखि चार महिनाका लागि सुरू भएको छ । अभियानमा पार्टीका सबै केन्द्रीय सदस्यहरूलाई पालिकास्तरसम्मै खटाएको छ ।
© 2025 All right reserved to khabarcnter.com | Site By : Sobij
