२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले चीन पुगेका नेताहरूलाई स्वदेश फिर्तीको गुहार गरेका छन् । चिनियाँ कम्युनिष्ट पार्टीको निमन्त्रणामा चीन पुगेका १४ नेताहरूलाई उनले स्वदेश फिर्तीको गुहार गरेका हुन् ।
सहकारीको बचत रकम अपचलन संसदीय छानबिन समितिले जीबी राई, रवि, कुमार रम्तेल र छविलाल जोशीलाई प्रचलित कानुन बमोजिम कारबाही गर्न सिफारिस गरेको छ । उक्त सिफारिसका आधारमा छविलाल पक्राउ परिसकेका छन् । उनी पक्राउ परेपछि रवि निकै त्रसित देखिएका छन् ।
आइतबार यता पक्राउ पर्ने भयले सयौँ कार्यकर्ता जम्मा पारेर पार्टी कार्यालयमा लुकेर बस्ने गरेका छन् । आफू असुरक्षित महसुस गरिरहेका उनले केही दिनअघि पार्टी उपसभापति डा.स्वर्णिम वाग्ले नेतृत्वको १४ जना भ्रमण दललाई चीनबाट फिर्ता बोलाएका छन् ।
७ जना सांसद र ७ जना गैरसांसदसहित १४ जनाको टोली शनिबार राति चीन गएको थियो । तथापि सभापति रवि लामिछाने जोडिएको सहकारी ठगी प्रकरणले फरक राजनीतिक घटनाक्रम बनेपछि टोली सोमबार नेपाल फर्किने योजना बनाएको थियो । तर, सोमबार नै नेपाल फर्किने बताइए पनि टिकट नपाउँदा भोलिमात्रै प्रर्किने सह–प्रवक्ता प्रतिभा रावलले जानकारी दिइन् ।
© 2025 All right reserved to khabarcnter.com | Site By : Sobij
