२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । रास्वपा सभापति रवि लामिछानेले आइतबार राति सामाजिक सञ्जालमा एउटा स्टाटस लेखे ।
अमेरिका भ्रमणमा रहेका प्रधानमन्त्री केपी शर्मा ओलीलाई स्टाटसमार्फत प्रधानमन्त्री न्युयोर्कबाट आँखा नसन्काउन समेत आग्रह गरे ।
उनले लेखेका छन्, ‘न्युयोर्कबाट आँखा नसन्काउनुस् प्रधानमन्त्रीज्यू !’ रविका साझेदार छविलाल जोशी आइतबार पक्राउ परेका छन् ।
उनी पक्राउ परेपछि आफू पनि पक्राउ पर्ने भयले मध्यरातसम्म पार्टी कार्यालयमा बसेका उनले प्रधानमन्त्री ओलीलाई अमेरिकाबाट फर्केर आउन आग्रह गरेका छन् ।
‘फर्केर आउनुस्, बसेर कुरा गरौं् ।’ सहकारी पीडितलाई न्याय दिने नियत भए रवि आफैले रुमको व्यवस्था गर्ने पनि बताएका छन् ।
उनले सहकारीलाई न्याय दिन बिचौलियाको घर नचाहिने पनि बताएका छन् र अन्तमा उनले बाँकी भोलि लेखेका छन् ।
उनले भोलि लेखेको १४ घण्टा बितिसक्दा पनि कुनै प्रतिक्रिया दिएका छैनन् । बरू उनले पोखरामा आफ्ना समर्थक तथा कार्यकर्ता विरोधमा उतारेका छन् ।
यसका साथै रवि लामिछाने बिहानैदेखि पार्टी कार्यालयमा उपस्थित भएर नेताहरूसँग छलफल गरिरहेका छन् ।
© 2025 All right reserved to khabarcnter.com | Site By : Sobij
