२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले श्रीलंकाका नवनिर्वाचित राष्ट्रपति दसानायकेलाई बधाई दिएका छन् ।
उनी आइतबार राष्ट्रपतिमा निर्वाचित भएपछि सोमबार सामाजिक सञ्जालमार्फत प्रचण्डले बधाई दिएका हुन् । उनले बधाई दिँदै सफल कार्यकालको शुभकामना समेत व्यक्त गरेका छन् ।
उनले लेखेका छन्– ‘श्रीलङ्काको नवौं राष्ट्रपतिको निर्वाचनमा ऐतिहासिक जित हासिल गरेकोमा कमरेड दसानायके गठबन्धन नेशनल पिपुल्स पावर र उहाँको दल जेभीपीलाई हार्दिक बधाई तथा शुभकामना व्यक्त गर्दछु ।’
‘भ्रष्टाचार, आर्थिक संकट र भूराजनीतिक तनावको सही समाधानको रूपमा माक्र्सवादी नेता चयन गर्ने श्रीलंकाली जनतालाई म सलाम गर्छु । उहाँको कार्यकालमा नेपाल र श्रीलंकाबीचको सम्बन्ध सुमधुर हुने विश्वास लिएको छु,’ उनले सामाजिक सञ्जालमा लेखेका छन् ।
© 2025 All right reserved to khabarcnter.com | Site By : Sobij
