२०८२ भाद्र २ गते सोमवार
२०८२ भाद्र २ गते सोमवार
काठमाडौँ । राष्ट्रियस्तरका विकास बैंकहरुले असोजका लागि ब्याजदर घटाएका छन्।
हाल सञ्चालनमा रहेका ८ वटा राष्ट्रियस्तरका विकास बैंकहरुमध्ये ७ वटाले असोजका लागि व्यक्तिगत मुद्दति निक्षेपको अधिकतम ब्याजदर घटाएका छन् । एक बैंकले भने भदौँकै ब्याजदारलाई निरन्तरता दिने भएको छ ।
असोज महिनामा कामना सेवाले भदौकै ब्याजदरलाई असोजमा निरन्तरता दिने भएको हो । कामना सेवाले असोजमा पनि व्यक्तिगत मुद्दति निक्षेपमा अधिकतम ७ प्रतिशत ब्याज दिने भएको छ।
यस्तै, असोजमा मुक्तिनाथ, गरिमा, महालक्ष्मी, लुम्बिनी, ज्योति र सांग्रिलाले व्यक्तिगत मुद्दति निक्षेपमा अधिकतम ६.५ प्रतिशत ब्याज दिने भएका छन्।
भदौमा मुक्तिनाथ, लुम्बिनी र ज्योतिले व्यक्तिगत मुद्दति निक्षेपमा अधिकतम ६.७५ प्रतिशत ब्याज दिएका थिए भने गरिमा, सांग्रिला र महालक्ष्मीले ७ प्रतिशत दिएका थिए। भदौमा ७ प्रतिशत ब्याज दिएको शाइन रेसुंगाले असोजमा भने ६.७५ प्रतिशत ब्याज दिने भएको छ।
© 2025 All right reserved to khabarcnter.com | Site By : Sobij
