२०८२ भाद्र २५ गते बुधवार
२०८२ भाद्र २५ गते बुधवार
काठमाडौ । ठमेल ज्याठास्थित मेगा बैंकको एटीएम मशिन ह्याक गरी पैसा निकाल्न खोज्ने एक चिनियाँ नागरिकलाई प्रहरीले पक्राउ गरेको छ ।
विभिन्न बैंकको एटीएम बुथमा अस्वाभाविक रूपमा कुनै व्यक्तिले रकम निकाल्न लागेको भन्ने विशेष सूचनाका आधारमा मंगलवार साँझ खटिएको प्रहरी टोलीले वाङ सियाओलोङ नाम गरेका २९ वर्षीय व्यक्तिलाई पक्राउ गरेको हो ।
उनले एटीएम मशिनको किबोर्ड पिन ह्याक गरी नगद निकाल्न प्रयास गरेको प्रहरीले जनाएको छ । पक्राउ परेका चिनियाँ नागरिकलाई प्रहरीले बुधवार सार्वजनिक गरेको हो ।
उनको साथबाट १० वटा चाबीको एक झुप्पा, १० वटा एटीएम कार्ड, एप्पलको म्याकबूक, चाइनिङ पासपोर्ट लगायत बरामद गरिएको प्रहरीले जनाएको छ ।
उनीमाथि बैंकिङ कसूरअन्तर्गत अनुसन्धान भइरहेको छ । नेपालमा एटीएम ह्याक गर्ने क्रममा पक्राउ परेका उनी पहिलो व्यक्ति भने होइनन् । यसअघि पनि चिनियाँ नगरिकको एक टोली नै एटीएम ह्याक गरी पैसा निकालेको अभियोगमा पक्राउ परिसकेको छ ।
© 2025 All right reserved to khabarcnter.com | Site By : Sobij
