२०८२ भाद्र १ गते आइतवार
२०८२ भाद्र १ गते आइतवार
काठमाडौं । त्रिदेशीय फुटबल प्रतियोगिताको उपाधिका लागि नेपाल आज बंगलादेशसँग भिड्दै छ।
काठमाडौंस्थित दशरथ रंगशालामा आज साँझ साढे ५ बजे सुरु हुने फाइनल खेलमा नेपाल–बंगलादेश आमनेसामने हुने भएका हुन् ।
अखिल नेपाल फुटबल संघ (एन्फा)को आयोजनामा काठमाडौंमा जारी त्रिदेशीय फुटबल प्रतियोगिताको आज हुने फाइनल खेल हेर्न प्रधानमन्त्री केपी शर्मा ओली पनि रंगशाला जाने भएका छन्।
आज साँझ साढे ५ बजे त्रिपुरेश्वरस्थित दशरथ रंगशालामा हुने खेल हेर्न प्रधानमन्त्री जाने एन्फा स्राेतले जनाएको छ।
अखिल नेपाल फुटबल संघ (एन्फा)ले त्रिदेशीय फुटबलअन्तर्गत फाइनल खेलको टिकटको मूल्य बढाएको छ । नेपाल र बंगलादेशबीच हुने उपाधि प्रतिस्पर्धाको टिकटको मूल्य बढाइएको हो ।
यसअघिका खेलमा भीआईपीतर्फ १५ सय र साधारणतर्फ ७०० रुपैयाँ रहेको प्रतिटिकटको मूल्य फाइनलमा भने बढाइएको हो । फाइनल खेलका लागि भीआईपीतर्फ प्रतिटिकटको मूल्य दुई हजार र साधारणतर्फ एक हजार रुपैयाँ निर्धारण गरिएको छ ।
© 2025 All right reserved to khabarcnter.com | Site By : Sobij
