२०८२ भाद्र २२ गते आइतवार
२०८२ भाद्र २२ गते आइतवार
काठमाडौं । मगर संस्कृतिमा आधारित फिल्म ‘घरज्वाइँ’को फस्टलुक पोस्टर सार्वजनिक भएको छ । अनिल बुढा मगरको निर्देशनमा जनक घर्ती मगरले निर्माण गरेको फिल्मका दुई पोस्टर सार्वजनिक भएका हुन् ।
एक पोस्टरमा दयाहाङ राई र मिरुना मगरले बोराको भारी बोकिरहेको देखिन्छ । अर्कोमा सबै कलाकारलाई समेटिएको छ । यसअघि फिल्मले ‘क्यारेक्टर लुक्स’ ल्याएको थियो ।
पूर्वी रुकुम आसपासमा एक महिना छायांकन गरिएको फिल्मको कथा पनि निर्देशक अनिल आफैंले लेखेका हुन् । पटकथा, संवाद लेखनमा भने उनलाई विनोद खतिवडा र सुभाष कोइरालाले साथ दिएका छन् ।
जीएम मुभीजको ब्यानरमा निर्माण भएको फिल्म सुशन प्रजापतिले खिचेका हुन् । फिल्मका गीतमा हर्क साउदको शब्द र मनोज थापाको संगीत छ । कृष्ण भण्डारीले सम्पादन गर्ने फिल्मको डिजिटल पार्टनर बुढा सुब्बा डिजिटल हो ।
एमएसएम, अष्ट्रेलियाले अन्तर्राष्ट्रिय प्रदर्शन अधिकार लिएको छ । फिल्मलाई नेपाल वितरण आरआर फिल्म्सले गर्दैछ । असार २८ गते प्रदर्शन हुने फिल्ममा दयाहाङ र मिरुनाका साथमा बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, विना थापा मगर, सोनाम लामा, विवेश बुढा मगर र सुनिल मगरको अभिनय छ ।
© 2025 All right reserved to khabarcnter.com | Site By : Sobij
