२०८२ भाद्र २४ गते मंगलवार
२०८२ भाद्र २४ गते मंगलवार
बिना कसुर ४१ वर्ष भारतीय जेलमा बसेका एक नेपाली शनिबार रिहा भएका छन् । कर्तव्य ज्यान मुद्दामा कारागारमा थुनिएका दीपक जैसी तिम्सिनालाई शनिवार रिहा गरिएको हो ।
उनलाई रिहा गर्न उच्च अदालत कोलकाताले बुधवार साँझ नै आदेश दिएको भए पनि प्रक्रिया पूरा गर्दा ढिलाई भएको हो । नेपालबाट उनका भाइ प्रकाश कोलकाता पुगेपछि उनलाई कोलकाताको दमदम कारागारमा मुक्त गर्ने प्रक्रिया गत हप्ताको शुक्रबारदेखि शुरु भएको थियो ।
प्रकाशचन्द्र र कोलकातास्थित नेपाली महावाणिज्य दूतका निजी सचिव सतीश थापाको रोहबरमा दीपकलाई कारागारमुक्त गरिएको बीबीसीले लेखेको छ । पहिले बीबीसीको हिन्दी संस्करणले यो घटना सार्वजनिक गरेपछि प्रक्रिया अगाडि बढेको थियो ।
उनको मुद्दा भने अझै किनारा लागिनसकेको उनको पक्षबाट मुद्दा लडेका कोलकाताका कानुन व्यवसायी हीरक सिन्हाले बताएका छन् ।
उनको बारेमा उनी पक्राउ परेको स्थान भारतको दार्जिलिङ वा कोलकाता उच्च अदालतलाई छ–छ महिनामा उनीबारे जानकारी गराउनु पर्ने सर्त अदालतले राखेपछि परिवारले सर्त पूरा गरेपछि छुटेका हुन् ।
दमदम कारागारबाट बाहिर निस्कँदा भने उनलाई फुलमाला लगाइएको थियो । दीपक सन् १९७९ देखि इलामको एकतप्पास्थित उनको घरबाट हराएका थिए । तोरीको पोको बेच्नका लागि भनेर इलामको मङ्गलबारे हिँडेका उनी घर फर्किएका थिएनन् ।
त्यसपछि उनी रोजगारी खोज्दै भारतको दार्जीलिङ पुगेको बताइएको छ । त्यहीँबाट प्रहरीले पक्राउ गरेको र उनलाई ज्यानमुद्दा लागेको थियो ।
© 2025 All right reserved to khabarcnter.com | Site By : Sobij
