२०८२ भाद्र १० गते मंगलवार
२०८२ भाद्र १० गते मंगलवार
काठमाडौँ । सात बुँदे माग राखेर आन्दोलनमा उत्रिएको नेपाल चिकित्सक सङ्घ र स्वास्थ्य तथा जनसङ्ख्या मन्त्रालयको टोलीबीच वार्ता जारी छ ।
अतिरिक्त सचिव डा. विकास देवकोटासहितको पाँच सदस्यीय टोली र सङ्घका प्रतिनिधिबीच मन्त्रालयमा वार्ता भइरहेको सङ्घका महासचिव डा. सञ्जीव तिवारीले जानकारी दिए ।
सङ्घले आज देशभरका अस्पतालमा ओपीडी सेवा बन्द गराएको छ । यसअघि, मकवानपुरको हेटौँडास्थित सन्चो अस्पतालमा चिकित्सकमाथि आक्रमणका दोषीलाई कानुनी दायरामा ल्याउन सरकारलाई ७२ घण्टे ‘अल्टिमेटम’ दिएको थियो ।
उपचारमा लापरबाही गरेको भन्दै यही भदौ २७ गते डा. विकास थापा र डा. प्रशान्त बिडारीमाथि कुटपिट गरिएको थियो । सो घटनासँगै देशभरका चिकित्सक आन्दोलित छन् ।
© 2025 All right reserved to khabarcnter.com | Site By : Sobij
