२०८२ कार्तिक १५ गते शनिवार
२०८२ कार्तिक १५ गते शनिवार
काठमाडौं । राजधानी प्रवेश गरे संगै विप्लब कलंकीबाट बालाजू हुँदै सामाखुशीतर्फ लागेका छन् । पार्टीको तर्फबाट वार्ता टोलीका संयोजक रहेका र आज दुई बजेको कार्यक्रमवारे बिहान बालुवाटारमा प्रधानमन्त्रीसङ्ग भेटेर छलफल गरेका खड्गबहादुर विश्वकर्मा प्रकाण्डलगायतका नेताहरुलाई भेट्न विप्लव लाजिम्पाट गएको बताइएको छ । त्यहाँको यौटा फ्ल्याट बिप्लव समूहले भाडामा लिएको छ । त्यहाँ केहि समय आन्तरिक छलफल गरेर सिधै कार्यक्रमस्थल सभागृह जाने या प्रधानमन्त्री निवास बालुवाटार जाने निश्चित नभएको सो पार्टीको उच्च तहका एक नेताले जानकारी दिए ।
नेपाल कम्युनिस्ट पार्टी ९विप्लव समूह०का नेताहरु आन्तरिक छलफलमा जुटेका छन् । विप्लव नवलपरासी हुँदै शुक्रबार काठमाडौं आएसँगै उनले सरकारसँगको वार्ता टोलीका संयोजकसमेत रहेका प्रवक्ता प्रकाण्ड, नेताहरु धर्मेन्द्र बाँस्तोला लगायतसँग विप्लवले भेटघाटसहित छलफल गरेका हुन् ।
विप्लवले आजै प्रधानमन्त्री केपी शर्मा ओलीलाई पनि भेट्ने कार्यक्रम रहेको छ भने त्यसपछि उनी राष्ट्रियसभा गृहमा औपचारिक रुपमा सार्वजनिक हुनेछन् । विप्लव औपचारिक रुपमा सार्वजनिक हुने मञ्च तयार भएको छ ।
राष्ट्रियसभा गृहमा तयार गरिएको मञ्चबाट सरकार र विप्लवबीच भएको सहमतिको विस्तृत विवरण सार्वजनिक गरिनेछ भने प्रधानमन्त्री केपी ओली र विप्लवले सम्बोधन गर्ने कार्यक्रम पनि रहेको छ । बिहीबार सरकार र विप्लव समूहबीच ३ बुँदे सहमति भएपछि आज विप्लव नवलपरासी हुँदै काठमाडौं आएका हुन् ।
© 2025 All right reserved to khabarcnter.com | Site By : Sobij
