२०८२ माघ १२ गते सोमवार
२०८२ माघ १२ गते सोमवार
काठमाडौँ । नेपाली कांग्रेसको पदाधिकारी बैठक बिहीबार अपराह्न ३ बजे बस्दैछ । सभापति शेरबहादुर देउवाले पछिल्लो राजनीतिक परिवेश र पार्टीको भावी रणनीतिबारे छलफल गर्न पदाधिकारीको बैठक बोलाएका हुन् ।
यही फागुन २३ गते आह्वान गरिएको प्रतिनिधिसभा बैठकमा नयाँ सरकार गठनको प्रकिया अघि बढ्ने भएपछि यसबारे निर्णय गर्न सभापति देउवाले पदाधिकारी र पूर्वपदाधिकारीहरूलाई डाकेको जनाइएको छ ।
पदाधिकारीको सुझावलाई आत्मसात गर्दै देउवाले शुक्रबार आह्वान गरिएको पार्टीको संसदीय दलको बैठकमार्फत सरकारमा जाने या नजाने भन्ने निर्क्यौल गर्ने निकट स्रोतले जनाएको छ ।
संसद पुनर्स्थापना भएसँगै सत्ता समिकरणका लागि राजनीतिक प्रयासहरु भइरहेका बेला कांग्रेसमा भावी रणनीतिलाई लिएर विवाद छ ।
नेकपाको आधिकारिकता नसुल्झेसम्म सरकारमा नजाने बताए पनि बिहीबार चितवनमा आयोजित एक कार्यक्रममा देउवाले प्रधानमन्त्रीको प्रस्ताव आए जिम्मेवारीबाट नभाग्ने बताएका छन् ।
© 2026 All right reserved to khabarcnter.com | Site By : Sobij
