२०८२ भाद्र ३ गते मंगलवार
२०८२ भाद्र ३ गते मंगलवार
सल्यान । रुकुमबाट नेपालगन्ज जाँदै गरेको लु २ ख ५७३१ नम्बरको यात्रुवाहक माइक्रो बस राप्ती राजमार्ग अन्तर्गत सल्यानको कपुरकोट गाउँपालिका ३ आगरखोलास्थित दुर्घटना हुँदा १२ जना घाइते भएका छन् ।
घाइते हुनेमा केही बालबालिका पनि रहेको स्थानीय प्रहरीले जनाएको छ । घाइते सबैको उद्धार गरी प्रादेशिक अस्पताल तुलसीपुर लगिएको र त्यहाँ उपचार भइरहेको जिल्ला प्रहरी कार्यालय सल्यानका प्रहरी नायब उपरीक्षक दामोदर केसीले बताए ।
दुर्घटनाको कारण भने खुल्न सकेको छैन । यात्रुवाहक हायस माइक्रो सडकदेखि २ सय ५० मिटर तल खसेको थियो।
दुर्घटनाको थप अनुसन्धान भइरहेको उनको भनाइ छ ।
© 2025 All right reserved to khabarcnter.com | Site By : Sobij
