२०८२ भाद्र ४ गते बुधवार
२०८२ भाद्र ४ गते बुधवार
मुगु । मुगुको सोरु गाउँपालिकामा जिप दुर्घटना हुँदा दुई जनाको मृत्यु भएको र सात जना घाइते भएका छन् ।
सोरुकोटदेखि गमगढीतर्फ जाँदै गरेको ग १ ज ७७६२ नम्बरको जिप सिपपहिरो नजिकैको डिलबाट करिब २ सय मिटर तल खस्दा दुई जनाको घटनास्थलमै मृत्यु भएको र सात जना घाइते भएको सोरुकोट प्रहरी चौकीका हवल्दार मनबहादुर थापाले बताए ।
मृतक तथा घाइतेको पहिचान यकिन हुन नसकेको प्रहरीले जनाएको छ । घाइतेहरूको उद्धारको लागि सोरुकोट प्रहरी चौकी र तारापानी प्रहरी चौकीको प्रहरी टोली घटनास्थलतर्फ गएका छन् ।
घाइतेलाई उपचारको लागि जिल्ला अस्पताल ठिनी लैजान जिल्ला प्रहरी कार्यालयले २ वटा एम्बुलेन्स घटनास्थलतर्फ पठाएको छ ।
© 2025 All right reserved to khabarcnter.com | Site By : Sobij
