२०८२ भाद्र ६ गते शुक्रवार
२०८२ भाद्र ६ गते शुक्रवार
गोरखा । गोरखा नगरपालिका–६ हस्पिटलचोकमा नेपालका प्रथम सहिद लखन थापा मगरको सालिक अनावरण गरिएको छ । १४२ औं लखन स्मृति दिवसका गण्डकी प्रदेशका मुख्यमन्त्री पृथ्वीसुब्बा गुरुङले सालिक अनावरण गरेका हुन् ।
सो अवसरमा उनले आगामी वर्षदेखि प्रदेश सरकारले औपचारिक रुपमा लखन स्मृति दिवस मनाउने प्रतिबद्धता व्यक्त गरे । हस्पिटल चोकदेखि काहुले भंगारसम्मको सडकलाई लखन थापा मार्गका रुपमा नामाकरण गरी स्तरोन्नति गर्ने पनि उनले बताए ।
११ लाख रुपैयाँको लागतमा अर्धकदको ढलौटको सालिक स्थापना गरिएको प्रथम सहिद लखन थापा मगर स्मृति प्रतिष्ठानले जनाएको छ । सालिक निर्माणका लागि गोरखा नगरपालिकाले ५ लाख रुपैयाँ उपलब्ध गराएको थियो । बाँकी ६ लाख रुपैयाँ प्रतिष्ठानकै तर्फबाट खर्च गरिएको प्रतिष्ठानका अध्यक्ष रुलबहादुर आले मगरले जानकारी दिए ।
प्रथम सहिद लखन थापाको जन्मथलो बुंकोटको काहुले भंगार जाने मुख्य प्रवेशद्वार भएकाले हस्पिटल चोकमा सालिक स्थापना गरिएको उनको भनाइ छ ।
© 2025 All right reserved to khabarcnter.com | Site By : Sobij
