२०८२ फाल्गुण २३ गते शनिवार
२०८२ फाल्गुण २३ गते शनिवार
एट्लान्टिक महासागरमा बेपत्ता पनडुब्बी ५ दिनपछि बिहीबार साँझ फेला पर्दा त्यसमा सवार सबै पाँचैजना मृत भेटिएका छन्।
अमेरिकी कोस्ट गार्डका रियर एडमिरल जोन मोगरले टाइटानिक जहाजको भग्नावशेषको अगाडिको भागभन्दा १६ सय फिट तल पनडुब्बीका पाँच भाग भेटिएको पुष्टि गरेका छन्।
एटलान्टिक महासागरमा सन् १९१२ मा डुबेको टाइटनिक जहाजको भग्नवाशेष हेर्न गएको पनडुब्बी टाइटनमा सवार सबै पाँचजनाले ज्यान गुमाउँदा दुईजना पाकिस्तानी पनि थिए। यस पनडुब्बीमा सवार पाँच यात्रीमा पाकिस्तानी मूलका अर्बपति व्यापारी शहजादा दाउद र उनाका छोरा सुलेमान दाउदको पनि ज्यान गएको छ।
उनीहरुको परिवारले बाबुछोराको निधनमा दुनियाँभरबाट मानिसहरुले सहानुभूति प्रदान गरिरहेको जनाएको छ। टाइटनमा सवार पाँच मानसमा बाबुछोरा शहजादा र सुलेमान दाउदको परिवारले उनीहरुको निधन शोक वक्तव्य निकालेको छ। ज्यान गुमाएका शहजादा दाउद ४८ वर्षका थिए भने छोरा सुलेमान केबल १९ वर्षका थिए।
बेलायती अर्बपति व्यवसायी हामिश हार्डिङ्ग, फ्रेन्च एक्सप्लोरर पल आनरी नार्जेल्याट र यस यात्राको व्यवस्था गर्ने कम्पनीका प्रमुख कार्यकारी स्टकटन रश पनि टाइटनमा सवार थिए।
शहजादा दाउद एक ठूला पाकिस्तानी व्यापारी परिवारका सदस्य थिए। उनी बेलायतमा प्रिन्स ट्रस्ट च्यारिटीको बोर्डका सदस्य पनि थिए। उनका छोरा सुलेमान पनि यो पनडुब्बीमा सवार थिए।
टाइटनसँग सम्पर्क टुटेपछि उद्धार कार्यमा संलग्न अमेरिकी कोस्ट गार्डका मानिसले ठूलो विस्फोटको आवाज सुनेको बताएका थिए। टाइटनमा सवार पाँच जनामध्ये बाबु–छोरा राजकुमार र सुलेमान दाउदका परिवारले उनीहरूको निधनप्रति दुःख व्यक्त गरेको छ।
© 2026 All right reserved to khabarcnter.com | Site By : Sobij
