२०८२ भाद्र १० गते मंगलवार
२०८२ भाद्र १० गते मंगलवार
काठमाडौँ । अख्तियार दुरुपयोग अनुसन्धान अयोगले नेपाल विद्युत प्राधिकरणका तत्कालीन मेकानिकल इन्जिनियर कृष्णप्रसाद यादव विरुद्ध विशेष अदालतमा भ्रटाचार मुद्दा दायर गरेको छ । यादवले जागिरे अवधिमा कमाएको आम्दानी भन्दा दोब्बर सम्पत्ति जोडेको र त्यसको स्रोत खुलाउन नसकेपछि आयोगले मुद्दा दार्ता गरेको हो ।
वि.स.२०४८ पुस ९ गते जागिर खाएका यादवले २०७९ जेठ ९ मा अवकास पाएका थिए । उनले यो अवधिमा एक करोड ७१ लाख ४६ हजार ४४ रुपैँया ४९ पैसा आय आर्जन गरेको देखिन्छ । तर, उनले घर, निर्माण, जग्गा खरिद र रजिष्ट्रेसन दस्तुर, अध्ययन खर्च तथा छोराछोरीलाई विदेश पठाउँदाको खर्च, शेयर खरिद तथा लगानी र बैंक मौज्जादसमेत गसिर तीन करोड १३ लाख ९८ हजार ५ सय ९४ रुपैँया ९० पैसा खर्च तथा लगानी गरेको देखिन्छ ।
आयोगका अनुसार यादवको सिर्जित सम्पत्ति एवं खर्च तथा लगानी गरेको कूल खर्च र सोही अवधिको आय व्ययविवरण अनुसार स्रोत खुल्न आएको वैध सम्पत्तिको अनुपातमा एक करोड ४२ लाख ५२ हजार ५ सय ५० रुपैँया ४१ पैसाको स्रोत खुल्दैन ।
उक्त रकमको स्रोत नखुलेको एवं यादवले राष्ट्रसेवक भएपश्चात के कस्तो श्रोतबाट आर्जन गरेको हो ? भन्ने कुराको स्रोत पुष्टि गर्न नसकेको हुँदा साविक भ्रष्टाचार निवारण ऐन २०१७ को दफा १५ एवं प्रचलित भ्रष्टाचार निवारण ऐन, २०५९ को दफा २० को उपदफा (१) बमोजिमको कसुर गरेको आयोगको मागदावी छ । आयोगले एक करोड ४२ लाख ५२ हजार ५ सय ५० रुपैँया ४१ पैसाको बिगो जरिवाना र कैद सँजायको मागदावी गरेको छ ।
आयोगका प्रवक्ता भोला दाहालका अनुसार यादवले श्रीमती मञ्जुदेवी यादवको नाममा जग्गा खरिद, घर निर्माण र शेयर खरिद गरेको देखिन्छ । उनका अनुसार मञ्जुदेवीको नाममा रहेको सम्पत्ति विगो जफत गरि असुल उपर गर्ने र उनीविरुद्धसमेत साविक भ्रष्टाचार निवारण ऐन, २०१७ को दफा १६ ग, दफा २९ र प्रचलित भ्रष्टाचार निवारण ऐन, २०५९ को दफा ४७ तथा अख्तियार दुरुपयोग अनुसन्धान आयोग ऐन, २०४८ को दफा २९ ख बमोजिम मुद्दा दर्ता गरिएको छ ।
© 2025 All right reserved to khabarcnter.com | Site By : Sobij
