२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं । काठमाडौंको अनामनगरस्थित गोरखा एफएम चोकमा रहेको सार्वजनिक जग्गामा महानगरपालिकाले डोजर चलाएपछि स्थानीयले विरोध गरेका छन् ।
एक पक्ष स्थानीय वषौँ देखि सार्वजनिक जग्गाको सुरक्षा गर्दै आएको र विपद्को बेलामा आवश्यक पर्ने भएकाले भत्काउन नहुने पक्षमा छन् । अर्को पक्षका स्थानीय सरकारले सार्वजनिक जग्गाको उपयोगका लागि भत्काउन पाउने र आफ्नो संरचना बनाउन पाउने पक्षमा छन् ।
स्थानीयहरूबीच नै विवाद हुँदा अहिले स्थिति तनावग्रस्त छ । महानगरपालिकाले वडा नम्बर २९ को वडा कार्यालय बनाउन सार्वजनिक जग्गामा भएका संरचना भत्काइरहेको हो । स्थानीयले भने काठमाडौं महानगरपालिकाको विरोध जारी राखेका छन् ।
सार्वजनिक जग्गा पहिचान गरी आवश्यक ठाउँमा वडा कार्यालय बनाउन पाउने तर विपद्को बेलामा उपयोग हुने जग्गा मिचेर वडा कार्यालय बनाउन नहुने उनीहरूको तर्क छ । स्थानीयले वडा कार्यालयबाहेकका अन्य कुनै पनि संरचना बनाउन महानगरपालिकालाई आफूहरूको समर्थन रहने प्रतिवद्धता जनाएका छन् ।
महानगरपालिकाले भने स्थानीयको मागलाई बेवास्ता गर्दै सार्वजनिक जग्गामा डोजर चलाइरहेको छ ।
अनामनगरको सार्वजनिक जग्गामा काठमाडौं महानगरको डोजर, तस्बिरहरू :
© 2025 All right reserved to khabarcnter.com | Site By : Sobij
