२०८२ भाद्र १६ गते सोमवार
२०८२ भाद्र १६ गते सोमवार
सहित्यकार बसन्त रोकायाको ११ औं कृति ‘हिमाल’ खण्डकाव्यको लोकार्पण कार्यक्रम सम्पन्न भएको छ ।
नेपाली काँग्रेसका महामन्त्री विश्वप्रकाश शर्माको प्रमुख आतिथ्यमा उक्त लोकार्पण कार्यक्रम ललितपुर धोविघाट स्थित सिद्धार्थ कटेजमा सम्पन्न भएको हो ।
पुस्तकको लोकार्पण पश्चात बोल्दै महामन्त्री शर्माले हिमाल खण्डकाव्यले सत्यलाई स्वतन्त्र ढंगले उजागर गरेको टिप्पणी गर्नुभयो । कर्णालीको माटोसँग आफू पूर्ण रुपमा परिचित भएकोले हिमाल खण्डकाव्यको मर्मलाई आफूले सही रुपमा बुझ्न सकेको उहाँले बताउनुभयो । पदमा पुगेपछि मानिसले आफ्नो वास्तविकतालाई भुल्ने प्रवृत्तिलाई पनि यस कृतिले यथार्थ ढंगले उजागर गरेको उहाँको धारणा थियो । ‘साहित्यकार हुन परिस्थिति मात्रै हैन, मनस्थिति पनि चाहिन्छ ।’ उहाँले थप्नुभयो– ‘अनुभव गरेको र देखेको कुरा लाई समिटएरको लेखिएकोेले उहाँ प्रति सम्मान जागेको छ ।’
सोही कार्यक्रममा कृतिमाथि प्रा.डा. मोहनप्रसाद तिमल्सिना र प्रा.डा. नारायण गड्तौलाले टिप्पणी गर्नुभएको थियो ।
कृतिका सर्जक बसन्त रोकायाको सभापत्विमा समपन्न उक्त कार्यक्रममा साहित्यकार प्रा.डा. मोहनप्रसाद तिमल्सिनाले कविता लेखकले लेख्ने र पाठकले आफ्नै ढंगले बुझ्ने भएकोले कविता भनेको लेखकले भन्दा पाठकले बुझ्ने धारणा राख्नुभयो । चलचित्रात्मक शैलीमा लेखिएको हिमाल खण्डकाव्य जीवन र जगतसँग जोडिएको उहाँको टिप्पणी थियो ।
अर्का टिप्पणीकार प्रा.डा. नारायण गर्तौलाले खण्डकाव्यमा कर्णालीको वास्तविकता उजागर भएको धारणा राख्नुभयो ।
१० खण्डमा विभाजित खण्डकाव्यका सर्जक तथा कार्यक्रमका सभापति बसन्त रोकायाले आफूले देखेको सत्यलाई यस खण्डख काव्य मार्फत उजागर गर्ने प्रयास आफूले गरेको बताउनुभयो ।
© 2025 All right reserved to khabarcnter.com | Site By : Sobij
