२०८२ भाद्र १३ गते शुक्रवार
२०८२ भाद्र १३ गते शुक्रवार
विराटनगर । विराटनगरस्थित १ नम्बर प्रदेश प्रहरी कार्यालयले पछिल्लो २४ घण्टामा पाँच जना लागु औषध कारोबारीलाई पक्राउ गरेको जनाएको छ ।
प्रदेश प्रहरी कार्यालयका प्रवक्ता एवं प्रहरी नायब उपरीक्षक विपिन रेग्मीका अनुसार झापाको विर्तामोडबाट ३ जना, अर्जुनधारा नगरपालिकाबाट १ जना र विराटनगरबाट १ जना पक्राउ परेका हुन् । प्रवक्ता रेग्मीका अनुसार विर्तामोड नगरपालिकास्थित भद्रपुर रोडबाट खैरो हिरोइनसहित ३ जना पक्राउ परेका छन् ।
पक्राउ पर्नेमा झापा गाँउपालिका शरर्णामतिका ३० वर्षीय मिलन राजवंशीको साथबाट १२ ग्राम खैरो हिरोइन, झापाकै बुट्टाबारीबाट विर्तामोडका २३ वर्षीय रुपेश गुरुङ, २० वर्षीय सुनिल राईको सातबाट ७ ग्राम ६० मिलिग्राम खैरो हिरोइन बरामद भएको उनले जानकारी दिए।
त्यसैगरि, अर्जुनधारा नगरपालिकाबाट १ सय २० ग्राम गाँजासहित बुद्धशान्ति गाँउपालिकाका ५३ वर्षीय पुरुष लक्ष्मीप्रसाद खतिवडासमेत पक्राउ परेको प्रवक्ता रेग्मीले जानकारी दिए । अर्कोतर्फ आइतबार नै भारत नेपालको सीमा क्षेत्र विराटनगर-१५ बाट एक भारतीय नागरिक पनि लागु औषधसहित पक्राउ परेका छन् ।
प्रहरीका अनुसार भारतको अररिया जोगबनीका १७ वर्षीय कालुकुमार शर्मालाई निट्राभेट ७५ ट्याब्लेट, स्पास्मो प्रोक्सिभोन ४० ट्याब्लेट र डाइलेक्स ५ बोतलसहित पक्राउ गरेको हो। प्रदेश प्रहरीका अनुसार पक्राउ परेको ५ जनाविरुद्ध थप अनुसन्धान तथा कानुनी कार्वाही अघि बढाइएको छ।
© 2025 All right reserved to khabarcnter.com | Site By : Sobij
