२०८२ माघ १० गते शनिवार
२०८२ माघ १० गते शनिवार
काठमाडौं । प्रतिनिधिसभा विघटनविरुद्ध परेका रिटमाथि सर्वोच्च अदालतको संवैधानिक इजलासमा सुनुवाइ जारी छ ।
गएको आइतबारदेखि रिटको पक्षमा वरिष्ठ अधिवक्ता तथा अधिवक्ताहरुले बहस गरिरहेका छन् । आजको सुनुवाइको सुरुमा अधिवक्ता ओमप्रकाश अर्यालले बहस सुरु गरेका छन् ।
एकजना अधिवक्ताका लागि बढीमा ३० मिनेटको समय छुट्याइएको छ । रिट निवेदकका तर्फबाट साढे ३ सय वकिलले बहसका लागि निवेदन दिएका छन्। यति धेरै जनाले लामो-लामो बहस गर्दा धेरै समय लाग्ने भन्दै इजलासले समय तोकेको हो।
गत पुस ५ गते प्रधानमन्त्री केपी ओलीले प्रतिनिधिसभा विघटन गरेर मध्यावधि निर्वाचन घोषणा गरेपछि त्यसविरुद्ध सर्वोच्च अदालतमा एक दर्जनभन्दा बढी रिट परेका छन् । तिनै रिटमाथि अहिले सुनुवाइ भइरहेको हो ।
© 2026 All right reserved to khabarcnter.com | Site By : Sobij
