२०८२ भाद्र ११ गते बुधवार
२०८२ भाद्र ११ गते बुधवार
ललितपुरको च्यासलमा दिउँसै लुटपाट गर्ने तीन महिलासहित चार जनालाई प्रहरीले पक्राउ गरेको छ । महानगरीय अपराध महाशाखाको टोलीले बिहीबार साँझ साढे ५ बजे चार जनालाई पक्राउ गरेको हो ।
पक्राउ पर्नेमा उदयपुरका २६ वर्षीय भरत मगर, ताप्लेजुङकी २८ वर्षीया निर्मला राई, ३० वर्षीया सुस्मिता डिम्डो र २९ वर्षीया लबिन तामाङ रहेका छन् । उनीहरूले १३ गते दिउँसो साढे दुई बजेतिर नुवाकोट घर भई च्यासल बस्ने ५७ वर्षीया धनकुमारी ठकुरीको कोठामा लुटपाट गरेका थिए ।
उनीहरूले ठकुरीको कोठामा गई लोभलालच देखाइ दुई वटा सी माला, एउटा पहेँलो पत्थर, एउटा पहेँलो टल्किने धातु र १४ वटा पूराना सिक्का लुटेर लगेका थिए । लुटपाट गरेको उजुरी परेपछि प्रहरीले खोजी सुरू गरेको थियो। प्रहरीले उनीहरूमाथि थप अनुसन्धान भइरहेको जनाएको छ ।
© 2025 All right reserved to khabarcnter.com | Site By : Sobij
