२०८२ भाद्र २२ गते आइतवार
२०८२ भाद्र २२ गते आइतवार
मुम्बई । दर्शकको प्रतीक्षामा रहेको चलचत्रिमध्ये एक हो, निर्देशक राजमौलीको ‘आरआरआर’ । चलचित्रमा साउथ सुपरस्टार राम चरण र जुनियर एनटीआर तथा बलिउड अभिनेता अजय देवगन र अभिनेत्री आलिया भट्टको अभिनय छ ।
चलचित्रले रिलिजअगावै १० लाख डलर संकलन गरिसकेको छ । आरआरआरले अमेरिकामा प्रिबुकिङमार्फत १० लाख डलर (करिब १२ करोड भारु) संकलन गरेको हो ।
चलचित्रको हल रिलिज आउँदो जनवरी ७ तारिखमा तोकिएको छ ।
अमेरिकामा हलमा फेसमास्कबिना दर्शकलाई हल प्रवेश गर्न नदिइने र ओमिक्रोन संक्रमितको संख्या बढेमा ५० प्रतिशत अकुपेन्सीमा खुम्च्याउने पनि बताइएको छ ।
यसैबीच, नयाँ दिल्लीमा पनि संक्रमितहरूको संख्यामा वृद्धि आउन थालेसँगै मंगलबार दिल्लीका मुख्यमन्त्री अरविन्द केजरीवालले हल, स्पा र जिमखानाहरू बन्द गर्न निर्देशन दिइसकेका छन् । यो निर्णयले आरआरआरलगायत रिलिजको तयारीमा रहेका अरू चलचित्रहरूलाई अप्ठ्यारो पर्ने देखिन्छ ।
© 2025 All right reserved to khabarcnter.com | Site By : Sobij
