२०८२ भाद्र ११ गते बुधवार
२०८२ भाद्र ११ गते बुधवार
सुर्खेत । कालीकोटबाट नेत्रविक्रम चन्द समूहका दुईजना कार्यकर्ता पक्राउ परेका छन् ।
पक्राउ पर्नेहरूमा कालीकोट नरहरिनाथ गाउँपालिका-९, लालुका ३६ वर्षीय दुर्गबहादुर बोहोरा र जाजरकोट भेरी नगरपालिका-२ का पदमबहादुर पुन रहेका छन् ।
बोहोराको घरमा लुकाइछिपाइ राखेको अवस्थामा अर्धनिर्मित बन्दुक एक थान, प्रेसरकुकर एक थान, जेवाले एउटा, डेटोनेटर २४ थान, सकेट ९ थान, गन्धक एक केजी, सोडा आधा केजी, चार्ज ब्याट्री एक थान, ब्याट्री कनेक्सनलगायत थुप्रै विस्फोटक पदार्थ प्रहरीले नियन्त्रणमा लिएको छ ।
चन्द समूहविरुद्धको विशेष अपरेसनका क्रममा प्रहरीले उनीहरूलाई आइतबार साँझ लालुबाटै पक्राउ गरेको थियो ।उनीहरूलाई आज मात्रै सार्वजनिक गरिएको कालीकोटका डीएसपी चक्रबहादुर शाहले जानकारी दिए ।
© 2025 All right reserved to khabarcnter.com | Site By : Sobij
