२०८२ भाद्र १६ गते सोमवार
२०८२ भाद्र १६ गते सोमवार
१) निर्दोष
निथुक्रै भिजेछु प्रेममा
कतै ओभानो छैन
उसले मेरो मनमा अड्डा जमाएदेखि
म भिज्न सुरु गरेकि हुँ
तर ,
उसको मनमा पौडी
आजसम्म खेल्न पाईन !
ओहो ! यो निर्दोष
एकतर्फी प्रेम ।
२) प्रेम
आमाले भन्नुभयो
उसले तँलाई निकै माया गर्दिरहेछ
धोका नदिएस है छोरा १
हात माग्न जाँदा
उपाहारमा
चोट र निलडाम मात्रै पाएँ ,
सोचेँ,
हाम्रो मन मात्रै मिलेको रहेछ
जात त मिलेकै रहेनछ १
३) दशैं
परदेश बसेका पिता
फोनमा हाँसी हाँसी
छोराछोरीसँग भन्दै थिए
मैले पैसा पठाइदेको छु
राम्ररी दशै मनाउनु !
छोरीले सोध्छे
तपाईलाई किन आउने मन भएन बुबा ?
‘मन हैन धन नभएर आईन’
भन्ने हिम्मत पिताको आखाले गर्यो
आवाजले गरेन !
४) कारागार
मैले प्रेम गरें
मुटु तगारो राखेर
ज्यान दिएँ
मान दिएँ ।
अन्त्यमा,
विश्वास घृणाले पुरिदियो
त्यसपछि म बाध्य भएँ
पागलप्रेमी हुन !
© 2025 All right reserved to khabarcnter.com | Site By : Sobij
