२०८२ भाद्र २ गते सोमवार
२०८२ भाद्र २ गते सोमवार
पर्वत — बलात्कार गरेको आरोपमा पर्वत प्रहरीले १७ वर्षीय किशोरलाई पक्राउ गरेको छ । पैयुँ गाउँपालिकाका ती किशोरमाथि ३८ वर्षे महिलालाई बलात्कार गरेको आरोप छ
प्रहरीका अनुसार गत वैशाख १५ गते साँझ ६ बजेतिर खेतमा काम गरिरहेको समयमा ती महिलालाई किशोरले बलात्कार गरेको जाहेरीमा उल्लेख छ । पीडित महिलाका दाजुले बलात्कार आरोप लगाउँदै गत शुक्रबार पर्वत प्रहरीमा उजुरी दिएको प्रहरी निरीक्षक राजेन्द्र अधिकारीले बताए ।
सोही उजुरीका आधारमा प्रहरीले शनिबार किशोरलाई नियन्त्रणमा लिएको हो । प्रहरीका अनुसार पर्वत जिल्ला अदालतबाट आइतबारदेखि लागु हुने गरी ५ दिनको म्याद लिएर अनुसन्धान भइरहेको छ । गोपनीयताका कारण दुवै पक्षको विवरण नखुलाइएको प्रहरीको प्रेस नोटमा उल्लेख छ ।
© 2025 All right reserved to khabarcnter.com | Site By : Sobij
