२०८२ भाद्र १० गते मंगलवार
२०८२ भाद्र १० गते मंगलवार
सिन्धुली — सिन्धुलीमा जिप दुर्घटना हुँदा दुई जना घाइते भएका छन् । घ्याङलेख गाउँपालिकामा विद्युत् सुचारु गर्न प्राविधिक लिएर जाँदै गरेको सिन्धुली विद्युत् प्राधिकरणको जिप आइतबार बीपी राजमार्ग अन्तर्गत कमलामाई नगरपालिका–२ को पिपलभन्ज्याङ नजिक दुर्घटना हुँदा चालकसहित प्राविधिक गम्भीर घाइते भएका छन् ।
प्रहरीका अनुसार प्रदेश नम्बर ३ ० ०० १ ञ २५५५ नम्बरको जिप दुर्घटनामा परेर चालक प्रमेश्वर सुनुवार र प्राधिकरणका कर्मचारी राजिव लामा गम्भीर घाइते भएका हुन् ।
घाइते दुवैलाई सिन्धुली अस्पतालमा प्राथमिक उपचारपछि काठमाडौं लगिएको जिल्ला प्रहरी कार्यालयका डिएसपी मनोजकुमार लामाले जानकारी दिए ।
दुर्घटनाको कारण खुल्न सकेको छैन । दुर्घटना भएको जिप राजमार्गबाट करिब एकसय ५० मिटर तल खसेको छ । पहिरोले पोल ढलेपछि घ्याङलेखमा विद्युत् सेवा अवरुद्ध छ ।
© 2025 All right reserved to khabarcnter.com | Site By : Sobij
