२०८२ आश्विन २६ गते आइतवार
२०८२ आश्विन २६ गते आइतवार
नेपालको आफ्नै स्याटेलाइट राख्न मागिएका सबै प्रस्ताव नेपाल दूरसञ्चार प्राधिकरणले खारेज गरेको छ । प्राधिकरणले बिहिबार एक सूचना जारी गर्दै नयाँ प्रक्रिया अघि बढाउने गरी प्रस्ताव रद्द गरेको हो ।
स्याटेलाइट राख्न माग गरिएको कम्पनीहरु मध्य छनोटमा परेका कुनै पनि कम्पनीले रेस्पोन्स् नगरेपछि खारेज भएको प्राधिरकणले जनाएको छ । प्राधिकरणले सार्वजनिक खरिद ऐन २०६३ अनुसार सबै प्रस्ताव र खरिद प्रक्रिया रद्द गर्ने निर्णय गरेको हो ।
सबै प्रस्ताव खारेज गरेको सूचना
प्राधिकरणको प्रस्ताव अनुसार गत पुसमा देशका नौ कम्पनीले आशयपत्र बुझाएका थिए । आशयपत्र पेश गरेका कम्पनीमध्ये प्राधिकरणले पाँचलाई प्राविधिक रुपमा योग्य ठहर गर्दै आर्थिक प्रस्ताव माग गरेको थियो ।
पाँच कम्पनीसँग प्रस्ताव माग गरिएकामा चार कम्पनीले आर्थिक प्रस्ताव पेश गरेका थिए । जसमा भारतको केपिएमजी इन्सुरेन्स एन्ड कन्सल्टिङ सर्भिस एलएलपी, बेलायतको लन्डन इकोनोमिक्स लिमिटेड, फ्रान्सको युरो कन्सल्ट र संयुक्त अरब इमिरेटसको एसथ्री टेल इन्टरनेशनलले प्रस्ताव पेश गरेका थिए ।
प्राधिकरणले सार्वजनिक खरिद ऐन २०६३ अनुसार सबै प्रस्ताव र खरिद प्रक्रिया खारेज गर्ने निर्णय गरेको हो । अब नयाँ प्रक्रिया अनुसार यसलाई अगाडि बढाउने सह-प्रवक्ता मिश्रले जानकारी दिए ।
© 2025 All right reserved to khabarcnter.com | Site By : Sobij
