२०८२ कार्तिक १८ गते मंगलवार
२०८२ कार्तिक १८ गते मंगलवार
काभ्रे । बनेपा–११ सिनागालमा आमा र छोरा मृत अवस्थामा फेला परेका छन् ।
पाँचखाल–६ स्थायी घर भई सोही स्थानमा डेरा गरी बस्ने ३० वर्षीया मनीषा कार्की घिमिरे र उनका ६ वर्षीय छोरा युवान मृत फेला परेको इलाका प्रहरी कार्यालय बनेपाका प्रहरी निरीक्षक राजन कोइरालाले जानकारी दिए । मनीषाका श्रीमान् ३३ वर्षीय माधवलाई प्रहरीले नियन्त्रणमा लिएको छ ।
प्रहरी निरीक्षक कोइरालाका अनुसार, आमा र छोरालाई ‘मारेर’ भागेको सूचना आएपछि प्रहरीले माधवलाई पक्राउ गरेको थियो । इलाका प्रहरी कार्यालयमा वान्ता गरेका उनले आफूले विष खाएको बताएका थिए । डेरा हेर्दा आमा र छोरा मृत अवस्थामा फेला परेका थिए ।
कोठाबाट प्यारासिटामोल औषधि बरामद भएको प्रहरीले जनाएको छ । पोस्टमार्टम रिपोर्टपछि मात्रै मृत्युको कारण खुल्ने र थप अनुसन्धान भइरहेको कोइरालाले जानकारी दिए ।
© 2025 All right reserved to khabarcnter.com | Site By : Sobij
