२०८२ कार्तिक १८ गते मंगलवार
२०८२ कार्तिक १८ गते मंगलवार
मोरङ । जंगली हात्तीको आक्रमणबाट मोरङको सुनवर्षीमा शुक्रबार बिहान एक युवकको मृत्यु भएको छ । मृत्यु हुनेमा सुनवर्षी नगरपालिका-८ हर्चनगडी कुडेलीका २० वर्षीय मनोहर मिया रहेको इलाका प्रहरी कार्यलय रंगेलीले जनाएको छ ।
भारतबाट सिक्टी क्षेत्र हुँदै एकाबिहानै आएको जंगली हात्तीले गाउँमा आतंक मच्याएपछि फोटो खिच्न पुगेका मियालाई हात्तीले आक्रमण गरी घाइते बनाएको प्रहरी निरीक्षक अनमोल खड्काले बताए ।
आक्रमणबाट अचेत भई घाइते भएको मियाको उपचारको क्रममा विराटनगरस्थित न्यूरो अस्पतालमा उपचार गर्दा डाक्टरले मृत्यु भएको जानकारी गराएका थिए । स्थानीयलाई आतंकित बनाएको जंगली हात्ती हाल रतुवामाईस्थित बक्राह खोला नजिक रहेको बताइएको छ ।
© 2025 All right reserved to khabarcnter.com | Site By : Sobij
