२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । सरकारले चालु आर्थिक वर्षको पहिलो दुई महिनासम्म एक खर्ब रुपैयाँभन्दा बढी राजस्व संकलन गरेको छ । भदौ मसान्तसम्म १ खर्ब ८३ अर्ब २१ करोड रुपैयाँ राजस्व उठाएको हो ।
अघिल्लो वर्षको सोही अवधिको तुलनामा राजस्व संकलन २५ अर्ब ६७ करोड रुपैयाँले बढेको छ । गत वर्ष भदौ मसान्तसम्म १ खर्ब ५७ अर्ब ५३ करोड रुपैयाँ राजस्व उठेको थियो ।
सरकारले यस वर्ष १५ खर्ब ८० अर्ब ३२ करोड रुपैयाँ राजस्व उठाउने लक्ष्य राखेको छ । दुई महिनामा लक्ष्यको ११.५९ प्रतिशत राजस्व उठाएकाे छ ।
संकलन भएको राजस्वमध्ये करबाट १ खर्ब ७२ अर्ब ४३ करोड रुपैयाँ र गैर करबाट १० अर्ब ७८ करोड रुपैयाँ उठेको छ ।
अनुदान र अन्य प्राप्तिसहित सरकारको कुल प्राप्ति १ खर्ब ८४ अर्ब ५८ करोड रुपैयाँ पुगेको छ । गत वर्षको सोही अवधिमा यस्तो प्राप्ति १ खर्ब ५९ अर्ब ९९ करोड रुपैयाँ थियो ।
© 2026 All right reserved to khabarcnter.com | Site By : Sobij
