२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । साउदीबाट डिजिटल वालेट टिग्मोमार्फत आईएमईमा पैसा पठाउँदा अभिषेक कालाखेतीले बीवाईडी एट्टो १ ईभी जितेका छन् ।
‘टिक्मोमार्फत आईएमई गरौँ, उपहार जितौं’ योजना अन्तर्गत कालाखेतीले ईभी जित्नुभएको हो । आईएमईले मंगलवार एक विशेष कार्यक्रमको आयोजना गरी अभिषेककी श्रीमती कल्पना कालाखेतीलाई ईभी हस्तान्तरण गरेको छ । यसैगरी युवराज न्यौपाने र सन्तोष गिरीले याडिया ओविन इलेक्ट्रिक स्कुटर जित्नुभएको छ भने १२ जनाले आइफोन १७ जितका हुन् । विजेता सबैलाई आईएमई ग्रुपका अध्यक्ष चन्द्रप्रसाद ढकाल तथा टिग्मोका प्रतिनिधिले संयुक्त रुपमा पुरस्कार हस्तान्तरण गरेका थिए ।
पुरस्कार हस्तान्तरण कार्यक्रममा आईएमई ग्रुपका अध्यक्ष चन्द्रप्रसाद ढकालले कागजबाट शुरु गर्न लागिएको रेमिट्यान्स सेवा हाल डिजिटल युगमा प्रवेश गरेको बताउका छन् । उनले साउदी अरबमा काम गर्ने नेपालीहरुले टिग्मोबाट आईएमईमा पैसा पठाउन आग्रह गरेका छन् ।
आईएमई लिमिटेडका अध्यक्ष हेमराज ढकालले कम्पनीले आगामी दिनमा पनि ग्राहकलक्षित विभिन्न योजनाहरु संचालनमा ल्याउने जानकारी दिएका छन् । आईएमइले पुस २१ देखि चैत १७ सम्म यो योजना सञ्चालनमा ल्याएको थियो । योजना अन्तर्गत ५ जनाले १० हजार रुपैयाँ नगद पुरस्कार समेत हात पार्नुभएको थियो । योजना अवधीभर ७५ जना विजेताहरुले विभिन्न पुरस्कार प्राप्त गरेको कम्पनीले जनाएको छ ।
विजेताहरुको डिजिटल लक्की ड्रमार्फत छनोट गरिएको कम्पनीले जनाएको छ । आईएमईले मेगा पुरस्कारमा एक जनालाई बीवाईडी एट्टो १ ईभी, मासिक दुई जनालाई याडिया ओविन इलेक्ट्रिक स्कुटर र साप्ताहिक १२ जनालाई आइफोन १७ जित्ने ल्याएको थियो । साथै आईएमईले ‘टिग्मो एण्ड वीन फाईभ टाईम्स मोर’ योजना अगस्ट १ देखि अक्टोबर ३१ सम्म संचालनमा ल्याउन लागेका पनि जानकारी दिएको छ ।
© 2026 All right reserved to khabarcnter.com | Site By : Sobij
