२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । ललितपुर महानगरपालिकाले आगामी आर्थिक वर्ष २०८३\८४ का लागि कुल ७ अर्ब ४८ करोड ८७ लाख ८० हजार रुपैयाँको बजेट प्रस्तुत गरेको छ । महानगरपालिकाको नवौँ नगर सभामा उपप्रमुख मञ्जली शाक्य बज्राचार्यले उक्त बजेट वक्तव्य प्रस्तुत गरेकी हुन् ।
प्रस्तुत बजेट चालू आर्थिक वर्षको कुल विनियोजित बजेट ७ अर्ब ४७ करोड ४१ लाख ४७ हजार रुपैयाँको हाराहारीमा नै रहेको छ । पुँजीगत ४ अर्ब २३ करोड र चालु ३ अर्ब २५ करोड ललितपुर महानगरपालिकाले आगामी आर्थिक वर्ष २०८३\८४ का लागि विनियोजन गरेको कुल बजेटमध्ये पुँजीगत खर्चतर्फ ५६.६ प्रतिशत र चालु खर्चतर्फ ४३.४ प्रतिशत रकम विनियोजन गरेको छ ।
महानगरपालिकाले चालु खर्चतर्फ ३ अर्ब २५ करोड १८ लाख ५३ हजार रुपैयाँ विनियोजन गरेको छ । कर्मचारीहरूको तलब वृद्धि, प्रोत्साहन भत्ता र सामाजिक सुरक्षा भत्ता जस्ता अनिवार्य दायित्वका कारण चालु खर्च बढेको महानगरले जनाएको छ ।
पुँजीगत खर्चतर्फ आगामी वर्षका लागि ४ अर्ब २३ करोड ६९ लाख २७ हजार रुपैयाँ विनियोजन गरिएको छ । सङ्घीय र प्रदेश सरकारबाट पुँजीगत शीर्षकमा कम बजेट प्राप्त भएकाले गत वर्षको तुलनामा पुँजीगत खर्च ६ प्रतिशतले घट्ने अनुमान गरिएको छ ।
महानगरको आन्तरिक आय, मालपोत रजिस्ट्रेसन शुल्क र मनोरञ्जन कर आदिबाट ३ अर्ब ३५ करोड ५० लाख रुपैयाँ सङ्कलन हुने र अपुग हुने १ अर्ब ४७ करोड रुपैयाँ नगद मौज्दातबाट बेहोरिने बजेट वक्तव्यमा उल्लेख छ ।
शिक्षा, स्वास्थ्य लगायतका क्षेत्र समावेश भएको सामाजिक विकासतर्फ १२ करोड ८० लाख रुपैयाँ विनियोजन गरिएको छ । उद्योग, पर्यटन तथा संस्कृति संरक्षण क्षेत्रका लागि ऐतिहासिक कला, संस्कृति र पर्यटन प्रवद्र्धन भन्दै ६ करोड ५० लाख रुपैयाँ विनियोजन गरिएको छ । कृषि, उद्यमशीलता तथा आयआर्जनका कार्यक्रम समेटिएको आर्थिक विकास क्षेत्रका लागि ६ करोड २५ लाख रुपैयाँ छुट्याइएको छ ।
शहरी सरसफाइ, हरियाली प्रवद्र्धन र विपद् जोखिम न्यूनीकरणका लागि ६ करोड रुपैयाँ विनियोजन गरिएको छ । संस्थागत विकास अन्तर्गत महानगरको प्रशासनिक सुधार तथा सुशासन सम्बन्धी कार्यका लागि ४ करोड ६० लाख रुपैयाँ छुट्याइएको छ । व्यवस्थित शहरीकरण र योजना तर्जुमाका लागि २ करोड ५० लाख रुपैयाँ विनियोजन गरिएको छ ।
© 2026 All right reserved to khabarcnter.com | Site By : Sobij
