२०८२ चैत्र २९ गते आइतवार
२०८२ चैत्र २९ गते आइतवार
काठमाडौं । दाङको तुलसीपुरमा इँटाभट्टाको पर्खाल भत्किँदा च्यापिएर एक मजदुरको मृत्यु भएको छ भने एकजना गम्भीर घाइते भएका छन् । आइतबार तुलसीपुर उपमहानगरपालिका-१६, जहदागाउँस्थित सेवा इँटाभट्टामा काम गरिरहेका बेला अचानक पर्खाल भत्किएको हो ।
पर्खालले च्यापिँदा भारतको बहराइच जिल्ला सरैया निवासी ३० वर्षीय तीर्थराम पासवानको मृत्यु भएको प्रहरीले जनाएको छ ।
घटनापछि उनलाई तत्काल उद्धार गरी राप्ती प्रादेशिक अस्पताल, तुलसीपुर लगिएको थियो । तर, उपचारका क्रममा चिकित्सकले मृत घोषणा गरेका हुन् । मृतकको पहिचान आधार कार्डका आधारमा खुलेको जिल्ला प्रहरी कार्यालय दाङका प्रवक्ता डीएसपी रेशम बोहराले जानकारी दिएका छन् ।
उक्त घटनामा परी सोही स्थानका ३६ वर्षीय देशराज पासवान गम्भीर घाइते भएका छन् । उनलाई राप्ती प्रादेशिक अस्पतालमा प्रारम्भिक उपचारपछि थप उपचारका लागि नेपालगञ्ज रिफर गरिएको प्रहरीले जनाएको छ ।
हाल घटनाको थप अनुसन्धान भइरहेको प्रहरीले जनाएको छ ।
© 2026 All right reserved to khabarcnter.com | Site By : Sobij
