२०८२ चैत्र १० गते मंगलवार
२०८२ चैत्र १० गते मंगलवार
काठमाडौं । नेपाल बीमा प्राधिकरणले सार्वजनिक गरेको तथ्याङक अनुसार आर्थिक वर्ष २०८२\८३ को फागुन महिनासम्ममा निर्जीवन बीमा कम्पनीहरुले साढे ३१ अर्ब माथि कुल बीमाशुल्क संकलन गरेका छन् । कम्पनीहरुले १८ लाख ६२ हजार ११४ वटा बीमा पोलिसी बिक्री गरी कुल ३१ अर्ब ७० करोड २३ लाख रुपैयाँ बीमाशुल्क संकलन गरेका हुन् ।
सबैभन्दा धेरै बीमाशुल्क संकलन गर्नेमा शिखर इन्स्योरेन्स कम्पनी रहेको छ । कम्पनीले यस अवधिमा ४ अर्ब ३८ करोड रुपैयाँ कुल बीमाशुल्क संकलन गरेको छ । सगरमाथा लुम्बिनी इन्स्योरेन्स रहेको छ । कम्पनीले यस अवधिमा ३ अर्ब ३६ करोड रुपैयाँ कुल बीमाशुल्क संकलन गरेको छ ।
त्यसैगरी हिमालयन एभरेष्ट इन्स्योरेन्सले ३ अर्ब २० करोड, सिद्धार्थ प्रिमियर इन्स्योरेन्सले २ अर्ब ७९ करोड, आइजिआई प्रुडेन्सियल इन्स्योरेन्सले २ अर्ब ६८ करोड, एनएलजी इन्स्योरेन्सले २ अर्ब ५३ करोड, नेको इन्स्योरेन्स कम्पनीले २ अर्ब ३९ करोड रुपैयाँ र यूनाइटेड अजोड इन्स्योरेन्सले १ अर्ब ९६ करोड रुपैयाँ कुल बीमाशुल्क संकलन गरेको छ ।
सानिमा जिआइसी इन्स्योरेन्सले १ अर्ब ७८ करोड , नेपाल इन्स्योरेन्सले १ अर्ब ४९ करोड, ओरिएन्टल इन्स्योरेन्सले १ अर्ब ९४ करोड, र प्रभु इन्स्योरेन्सले १ अर्ब २१ करोड रुपैयाँ कुल बीमाशुल्क संकलन गरेको छ । राष्ट्रिय बीमा कम्पनीले १ अर्ब ६ करोड र नेशनल इन्स्योरेन्सले ८६ करोड ८७ लाख रुपैयाँ बीमाशुल्क संकलन गरेको छ ।
© 2026 All right reserved to khabarcnter.com | Site By : Sobij
