२०८२ चैत्र ३ गते मंगलवार
२०८२ चैत्र ३ गते मंगलवार
काठमाडौं । इराकको राजधानी बगदादस्थित अमेरिकी दूतावासमा फेरि हवाई हमला गरिएको छ। समाचार एजेन्सी रोयटर्स र एएफपीका अनुसार बगदादमा रहेको अमेरिकी दूतावासमा धेरैवटा ड्रोन र रकेट प्रहार गरिएका हुन्।
इराकी सुरक्षा स्रोतले एएफपीलाई बताएअनुसार ‘यो हालैका दिनमा भएको सबैभन्दा ठुलो आक्रमण हो।’ यद्यपि आक्रमणबाट भएको क्षतिको विवरण आइसकेको छैन।
आक्रमण हुनुभन्दा लगभग छ घण्टाअघि अमेरिकी दूतावासले इराकमा रहेका अमेरिकी नागरिकका लागि नयाँ सुरक्षा सतर्कता जारी गरेको थियो।
यसअघि गत हप्ता पनि बगदादस्थित अमेरिकी दूतावासमा आक्रमण गरिएको थियो। यसैबिच इजरायलले इरानको राजधानी तेहरानमा ठुलो मात्रामा हवाई आक्रमण गरेको दाबी गरेको छ।
अमेरिका-इजरायले गत फेब्रुअरी २८ मा संयुक्त हवाई हमला गरी इरानका सर्वोच्च नेता अयातोल्लाह अली खामेनीको हत्या गरेयता लडाइँ जारी छ।
जवाफमा इरानले इजरायल र अमेरिकी अड्डा रहेका खाडीका देशहरूमा ड्रोनरक्षेप्यास्त्र प्रहार गर्दा मध्यपूर्वभरि द्वन्द्व फैलिएको छ।यसैबिच इरानले इजरायलका प्रधानमन्त्री बेन्जामिन नेतन्याहुलाई खोजी(खोजी मार्ने चेतावनी दिएको छ।
© 2026 All right reserved to khabarcnter.com | Site By : Sobij
