२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । श्रीलंकामा समुन्द्री आँधीपछि आएको बाढीपहिरोमा परी १९३ जनाको मृत्यु भएको छ ।
२०० जना भन्दा बढी मानिस बेपत्ता र २० हजार भन्दा बढी घर क्षतिग्रस्त भएको त्यहाँको विपद् व्यवस्थापन केन्द्रलाई उद्धृत गर्दै बीबीसीले जनाएको हो ।
अहिले १ लाख ८ हजार मानिसलाई अस्थायी शिविरहरुमा राखिएको छ । दित्वाह नामको समुन्दी आँधीपछि श्रीलंकामा आपतकाल घोषणा गरिएको छ ।
देशको करिब एक तिहाइ भागमा बिजुली र खानेपानी आपूर्ति ठप्प छ । केलानी नदीको पानीको स्तर द्रुत गतिमा बढ्दै जाँदा त्यस क्षेत्रका मानिसलाई अन्यत्र सार्न सरकारले निर्देशन दिएको छ । मृत्यु हुनेमा क्यान्डी र बदुल्ला क्षेत्रमा धेरै छन् ।
अनुराधापुरामा पानीमा डुबेको बसबाट ६९ जनालाई उद्धार गरिएको छ । श्रीलंकाली सरकारले अन्तर्राष्ट्रिय सहायताका लागि आग्रह गरेको छ ।
© 2025 All right reserved to khabarcnter.com | Site By : Sobij
