२०८३ बैशाख ६ गते आइतवार
२०८३ बैशाख ६ गते आइतवार
हङकङ । हङकङको ताई पो क्षेत्रस्थित एक आवासीय क्षेत्रमा भीषण आगलागी भएको छ । थुप्रै भवनहरूमा एकसाथ आगो लागेको र धुवाँको मुस्लो उठेको देखिएको छ । ‘वाङ फुक कोर्ट’ आवासीय भवनमा भएको भीषण आगलागीमा कम्तिमा ४४ जनाको मृत्यु र ४५ जनाको अवस्था गम्भीर भएको अन्तर्राष्ट्रिय सञ्चारमाध्यमले जनाएका छन्। अधिकारीहरूका अनुसार ४० जनाको घटनास्थलमै र चार जनाको अस्पतालमा मृत्यु भएको थियो।
मंगलबार दिउँसो करिब २ः५१ बजे मात्र सम्बन्धित कार्यालयलाई जानकारी गराइएको थियो । आगलागी अत्यन्तै फैलिँदै गएपछि जिम्मेवार निकायले साँझ ६ः२२ बजे आगलागीको खतरा स्तर पाँचसम्म बढाएको थियो । हङकङका प्रमुख कार्यकारी जोन लीले पछिल्लो पत्रकार सम्मेलनमा कम्तीमा २७९ जना अझै बेपत्ता रहेको जानकारी दिए। उद्धार तथा नियन्त्रण कार्य अहिले पनि जारी रहेको जनाइएको छ ।
घटनामा संलग्न भएको आशंकामा तीन जनालाई पक्राउ गरिएको छ। आगलागीको कारणको बारेमा अझै अनुसन्धान भइरहेको भए पनि, पुलिसले मर्मतसम्भार भइरहेको ठाउँमा झ्यालहरू बन्द गर्ने पोलिस्टीरिन बोर्डहरू फेला परेको र त्यसले गर्दा आगो छिटो फैलिएको हुन सक्ने बताएको छ।
आज बिहान, केही टावर ब्लकहरूबाट धुवाँ अझै पनि उडिरहेको छ - तर आठ भवनहरूमध्ये चारमा आगो नियन्त्रणमा छ। प्रहरी प्रवक्ताले भनेस् "हामीसँग यो विश्वास गर्ने कारण छ कि कम्पनीका जिम्मेवार व्यक्तिहरूले घोर लापरवाही गरेका थिए, जसले गर्दा यो दुर्घटना भयो र आगो अनियन्त्रित रूपमा फैलियो, जसको परिणामस्वरूप ठूलो हताहत भयो।"
© 2026 All right reserved to khabarcnter.com | Site By : Sobij
