२०८२ भाद्र २ गते सोमवार
२०८२ भाद्र २ गते सोमवार
पाल्पा । पछिल्लो २४ घण्टामाा पाल्पामा कोरोना संक्रमणबाट थप ६ जनाको मृत्यु भएको छ । शुक्रबार बिहान दुई जनाको र बिहीबार राति चार जनाको ज्यान गएको हो ।
शुक्रबार बिहान तानसेन नगरपालिका–३, भगवती टोलका ५६ वर्षीय पुरुषको मिसन अस्पतालमा र ५२ वर्षीय पुरुषको लुम्बिनी मेडिकल कलेजमा मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले बताए ।
बिहीबार तानसेन नगरपालिका–१ की ८१ वर्षीया महिलाको उपचारका क्रममा तानसेनस्थित मिसन अस्पतालमा मृत्यु भएको हो । लुम्बिनी मेडिकल कलेजमा उपचाररत रैनादेवी छहरा गाउँपालिकाको सर्देवास्थित सिजी कम्पनीमा कार्यरत एक जना भारतीय पुरुषको मृत्यु भएको छ ।
यस्तै, तिनाउ गाउँपालिका–३ का एक शिक्षकको पनि कोरोना संक्रमणबाट मृत्यु भएको छ । स्याङ्जा स्थायी घर भइ पाल्पाको माथागढी गाउँपालिका–३ सराईमा डेरा गरी बस्ने २५ वर्षीया महिलाको समेत बिहीबार मृत्यु भएको स्वास्थ्य कार्यालयले जनाएको छ ।
© 2025 All right reserved to khabarcnter.com | Site By : Sobij
