२०८२ श्रावण ३१ गते शनिवार
२०८२ श्रावण ३१ गते शनिवार
काठमाडौं । सानिमा जिआईसी इन्स्योरेन्स कम्पनीले आर्थिक वर्ष २०८१/८२ को चौथो त्रैमाससम्मको वित्तीय विवरण सार्वजनिक गरेको छ। कम्पनीको वित्तीय विवरणअनुसार अधिकांश वित्तीय सूचकहरूमा सुधार भएको छ।
२ अर्ब १५ करोड रुपैयाँ चुक्ता पूँजी रहेको कम्पनीको रिटेन्ड अर्निङ समीक्षा अवधिमा १८ करोड ३२ लाख रुपैयाँ पुगेको छ । अघिल्लो वर्षको तुलनामा सामान्य वृद्धि हो।
महाविपत्ति कोषमा ४ करोड ६४ लाख रुपैयाँ संचित भएको छ, जुन अघिल्लो वर्षको ३ करोड ७६ लाख रुपैयाँको तुलनामा २३.४०% ले बढी हो। त्यस्तै, स्पेसल रिजर्भमा ७५ करोड ९८ लाख रुपैयाँ रहेको छ, जुन अघिल्लो वर्षको ५८ करोड ४६ लाख रुपैयाँको तुलनामा ३०% ले बढी छ ।
कम्पनीले २ अर्ब ५४ करोड रुपैयाँ कुल बीमाशुल्क आर्जन गरेको छ । अघिल्लो वर्षको २ अर्ब ५१ करोड रुपैयाँको तुलनामा १.२०% ले बढी हो।
कम्पनीले समीक्षा वर्षमा ७८ करोड ७४ लाख रुपैयाँ खुद बीमाशुल्क आर्जन गरेको छ भने अघिल्लो वर्षको ७२ करोड २५ लाख रुपैयाँको तुलनामा ८.९८% ले बढी हो। यस्तै, कम्पनीको नाफा ३५ करोड ३ लाख रुपैयाँ पुगेको छ, जुन अघिल्लो वर्षको ३१ करोड ८१ लाख रुपैयाँको तुलनामा १०.१२% ले बढी रहेको छ ।
समीक्षा वर्षमा कम्पनीको प्रति शेयर आम्दानी १६ रुपैयाँ ३० पैसा रहेको छ। मूल्य आम्दानी अनुपात ३७.४३ गुणा रहेको छ भने प्रतिशेयर नेटवर्थ १५२ रुपैयाँ १२ पैसा रहेको छ।
© 2025 All right reserved to khabarcnter.com | Site By : Sobij
