२०८२ कार्तिक ९ गते आइतवार
२०८२ कार्तिक ९ गते आइतवार
काठमाडौं । एक जना ३५ वर्षीय प्रोफेसरले भर्खरै प्रेमिका खोज्नको लागि राखेको शर्तले अधिकांशलाई आश्चर्यमा पारेको छ । उनको शर्त सुनेपछि मानिसले के सोच्न थालेका छन् भने कतै उनी विवाहको लागि होइन, शाही ठाँटका लागि रानीहरू खोज्दैछन् ।
उनको प्रेमिका खोज्ने शर्तहरुको अवस्था पढेपछि सामाजिक सञ्जालमा हलचल मच्चिएको छ र मानिसहरूले प्रोफेसरको सोचाइमाथि नै प्रश्न उठाइरहेका छन् । वास्तवमा, चीनको झेजियाङ विश्व विद्यालयका स्कूल अफ मार्क्सवादका सहयोगी प्राध्यापक लूले एक म्याट्रिमोनियल च्याट रूममा आफ्नी ‘ड्रीम गर्ल’ का लागि अनौठा शर्तहरू शेयर गरेका थिए ।
उनले आफ्नो शारीरिक उचाइ, शैक्षिक योग्यता तथा आर्थिक अवस्था उल्लेख गर्दै आफू ३५ वर्षको भएको, उचाई १७५ सेमी तथा तौल ७० किलो रहेको जानकारी गराएका छन् । उनले पीएचडी गरेका छन् र वार्षिक आम्दानी १ मिलियन युआनभन्दा बढी छ ।
साथै उनले लेखेका छन्– ‘मेरी प्रेमिका सन् २००० पछि जन्मिएको हुनु पर्नेछ अर्थात् मभन्दा कम्तीमा १० वर्ष कान्छी । उचाई १६५ देखि १७१ सेन्टीमिटर बीचमा हुनुपर्ने र अझै सबैभन्दा महत्त्वपूर्ण कु।रा स्लिम र आकर्षक देखिने हुनु पर्नेछ । यति मात्र होइन, युवतीले कम्तीमा स्नातक डिग्री हासिल गरेको तथा चीनका ९ ठूला विश्वविद्यालयमध्ये कुनै एकबाट पढेको हुनु पर्नेछ ।’
उनले यदि केटीले शीर्ष २० अन्तर्राष्ट्रिय विश्वविद्यालयबाट पढेकी छिन् भने केही शर्तहरूमा विचार गर्न सक्ने उल्लेख गरेका छन् । यो पोस्ट सामाजिक सञ्जालमा भाइरल र्भएको छ भने प्रयोगकर्ताले यसमा विभिन्न कमेन्टहरु गरेका छन् । पढाइ–लेखाइ बेकार गयो, यसलाई विवाह नभई लिलामी हो जस्ता कुराहरु कमेन्टमा लेखिए । कुरा यति बढ्यो कि विश्वविद्यालयले स्पष्टीकरण दिनु पर्यो र उनीहरूले उक्त पोस्टका केही कुरा झुटा भएको बताउनु पर्यो ।
अहिले प्राध्यापकको ‘ड्रिम गर्ल’ लाई के भयो थाहा छैन, तर सामाजिक सञ्जालमा उनका शर्तहरूले पूर्ण मनोरञ्जन दिएको निश्चित छ ।
© 2025 All right reserved to khabarcnter.com | Site By : Sobij
