२०८२ कार्तिक २३ गते आइतवार
२०८२ कार्तिक २३ गते आइतवार
काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा)ले २०८४ को निर्वाचनमा भाग लिने संकेत गरेको छ । आज (बुधबार)देखि कपिलवस्तुको शिवगढीमा जारी पार्टी केन्द्रीय समितिको बैठकमा निर्वाचनमा जानेबारे छलफल भइरहेको छ ।
उक्त छलफलमा बोल्दै विप्लवले विद्यमान व्यवस्था अन्तर्गत हुने चुनाव पनि क्रान्तिकै मोर्चाको एक हिस्सा हुने संकेत गरेका छन् ।
‘चुनावलाई कार्यनीति र रणनीतिको रूपमा विभाजन गरेर बुझ्ने कम्युनिष्ट आन्दोलनको पुरानो चलन थियो । अब त्यसले काम गर्दैन । चुनाव पनि क्रान्तिकै भिन्न मोर्चा हुने भएकोले २०८४ मा चुनावलाई हामीले त्यसरी नै लिनुपर्छ,’ महासचिव विप्लवले भने ।
२०७९ को निर्वाचनमा नेकपाले स्थानीय तहमा आफ्ना उम्मेदवारहरू परोक्ष रूपमा अगाडि सारेको थियो । तर, २०७४ को निर्वाचनमा भाग नलिए पनि त्यसभन्दा अघिको निर्वाचनमा नेकपाले निर्वाचन सामाग्री तोडफोड, मतदाता आवागमनमा रोक लगाएकोक थियो । नेकपा संसदीय निर्वाचन प्रणाली उचित नभएको भन्दै तत्कालीन नेकपा (माओवादी)बाट विद्रोह गरेर अलगिएको थियो ।
© 2025 All right reserved to khabarcnter.com | Site By : Sobij
