२०८२ भाद्र २७ गते शुक्रवार
२०८२ भाद्र २७ गते शुक्रवार
भारतीय राज्य छत्तीसगढको बस्तरमा भारतीय माओवादीहरूले भाजपा नेताको हत्या गरेका छन् । छत्तीसगढ यही अप्रिल १९ मा लोकसभा चुनावका लागि मतदान हुँदैछ ।
प्रहरीका अनुसार नारायणपुरको फरासगाउँ निवासी पञ्चमदास माणिकपुरीको गएराति माओवादीले हत्या गरेका हुन् । ढोका तोडेर भित्र पसेका उनीहरूले बञ्चरो प्रहार गरी माणिकपुरीको घटनास्थलमै हत्या गरेको प्रहरीले जनाएको छ ।
मंगलबार नै सुरक्षा बलले छत्तीसगढकै काङ्केरमा भएको भिडन्तमा २९ माओवादी मारिएको दाबी गरेको थियो ।
पञ्चम दास माणिकपुरी प्रहरीको गोप्य सिपाहीका रूपमा कार्यरत रहेकाले जनमुक्ति छापामार सेनाले मारेको आरोप लगाउँदै संदिग्ध माओवादीहरूले घटनास्थलमा पर्चा फालेका छन् ।
बस्तरमा गत वर्ष माओवादीले भारतीय जनता पार्टीका आठ नेताको हत्या गरेको बीबीसी हिन्दीले जनाएको छ ।
चुनावका बेला माओवादीको आक्रमण बढ्छ । गत लोकसभा चुनावका क्रममा बस्तरमा प्रचार गर्न गएका भाजपा विधायक भीमा माण्डवी र उनका सहकर्मीको माओवादीहरूले हत्या गरेका थिए ।
© 2025 All right reserved to khabarcnter.com | Site By : Sobij
