प्रभु बैंकको ४० लाख कित्ता संस्थापक सेयर किन्ने आज अन्तिम दिन

पौष १३, २०७९ बुधवार

2.5K

प्रभु बैंकको ४० लाख कित्ता संस्थापक सेयर किन्ने आज अन्तिम दिन

प्रभु बैंकको संस्थापक समूहको ४० लाख कित्ता सेयर भर्ने आज (पुस १३ गते) अन्तिम दिन हो । आज कार्यालय समयसम्म मात्र यसमा आवेदन दिन सकिनेछ ।

बैंकले प्रतिकित्ता सेयरको न्यूनतम भाउ १२६ रुपैयाँ तोकेको छ । तसर्थ, लगानीकर्ताले १२६ रुपैयाँलाई आधार मानेर सो भन्दा बढी मूल्य कबोल गरी बोलपत्र पेश गर्नुपर्नेछ ।

यसमा बैंककै संस्थापक सेयरधनी, अन्य व्यक्ति, कम्पनी तथा विभिन्न संघ संस्थाहरुले बोलपत्रमा आवेदन पेश गर्नुपर्नेछ ।

लगानीकर्ताले प्रभु क्यापिटल लिमिटेड, कमलादी, काठमाडौंमा बोलपत्र आवेदन फारम बुझाउन सक्नेछन् । यसमा न्यूनतम १० हजार कित्तादेखि अधिकतम सबै कित्ताका लागि आवेदन दिन सकिनेछ ।

प्रकाशित मिति :पौष १३ २०७९ बुधवार - ११:४२:४० बजे

प्रतिक्रिया