२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । प्रधानमन्त्री केपी ओलीले बिहीबार हड्तालका क्रममा जलाइएको ट्याक्सीको सरकारले क्षतिपूर्ति दिने बताएका छन् ।
शुक्रबार नारायणहिटी संग्राहलय अगाडि भएको आमसभामार्फत ओलीले ट्याक्सी चालकलाई क्षतिपूर्ति दिने बताएका हुन्। बीमा भएमा बीमामार्फत नभएमा सरकारले क्षतिपूर्ति दिने उनले बताए । सो ट्याक्सी धादिङका खुम्ब नारायण श्रेष्ठको हो।
त्यस्तै हड्तालमा तरकारी फालिएका जनतालाई पनि क्षतिपूर्ति दिने उनले बताए। सभामा उनले भने ‘गरिबलाई हेर्ने सरकार छ, जनतालाई माया गर्ने सरकार छ, त्यसकारण जनता ढुक्क भए हुन्छ।’ नेपाल बन्दको नाममा जनतालाई दुख दिने काम मान्य नहुने उनले बताए।
यसअघि हिजो बिहीबार प्रचण्ड–नेपाल समूहको आमहड्तालका क्रममा बिहान गोंगबुमा दुई जनाले प्रदेश ३(०१ ००२ ज ५८८१ नम्बरको ट्याक्सीमा आगजनी गरेका थिए।
© 2025 All right reserved to khabarcnter.com | Site By : Sobij
