२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । उमेश केसीको हत्या र सुदीक्षा गिरी मृत्युको रहस्य खुलाउन नसकिने निष्कर्षमा प्रहरी पुगेको छ ।
२५ पुसमा टोखास्थित ग्रिन भिल्ला कोलोनीको ‘२४ डी’ को घरभित्र दम्पति उमेश केसीको हत्या र सुदीक्षा गिरी झुण्डिएको अवस्थामा मृत फेला परेका थिए ।
प्रहरीको प्रारम्भिक अनुसन्धानले सुदीक्षाले नै उमेशको हत्यापछि आत्महत्या गरेको देखाएको छ । हत्याको खास कारण खोज्न प्रहरीले उमेश र सुदीक्षा दुवैले प्रयोग गर्ने आइफोन प्रहरीको फरेन्सिक डिजिटल ल्याबमा पठाएको थियो । यस्तै सुदीक्षाको गर्भमा रहेको भ्रूणको डीएनए परीक्षणका लागि राष्ट्रिय विधिविज्ञान प्रयोग शाला (नास्ट) पठाइएको थियो ।
तर, डिजिटल ल्याबमा पठाइएको आइफोनको ‘लक’ खुल्न नसकेको प्रहरीले जनाएको छ । आइफोनमा उनीहरू दुवैले आफ्नो ‘फेस लक’ राखेकाले लक खुल्न नसकेको प्रहरीले जनाएको छ ।
यस्तै सुदीक्षाको गर्भमा रहेको भ्रूणको डीएनए परीक्षण सम्भव नहुने रिपोर्ट विधिविज्ञान प्रयोगशालाले दिएको छ । सुदीक्षाले नै उमेशको हत्या गरेको निष्कर्ष निकाल्दै अब बाँकी अनुसन्धानका लागि आइफोन विदेश पठाउनेबारे कुनै प्रक्रिया अघि नबढाइएको प्रहरीको भनाइ छ ।
पोष्टमार्टम रिपोर्ट र प्रहरीको प्रारम्भिक अनुसन्धानले घटनामा दम्पतिबाहेक अरु तेस्रो व्यक्तिको भूमिका(संलग्नता केही नदेखिएको प्रहरीले बताउँदै आएको छ । ललितपुरका उमेश र नेपालगञ्जकी सुदीक्षबीच ६ वर्ष पहिले प्रेम विवाह भएको थियो ।विहेपछि अमेरिका बस्दै आएका उमेश दशैं मनाउन काठमाडौं आएका थिए ।
© 2025 All right reserved to khabarcnter.com | Site By : Sobij
