२०८२ भाद्र १३ गते शुक्रवार
काठमाडौं। नेपालमा आज कोरोना भाइरसका एक सय पाँच संक्रमित थपिएका छन् ।
गत २४ घण्टाभित्र गरिएको पीसीआर परीक्षणबाट उनीहरूमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
योसँगै नेपालमा कोरोना संक्रमितको कुल संख्या २ लाख ७० हजार ९५९ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या २ हजार ५९४ रहेको छ ।
पछिल्लो २४ घण्टामा २८८ जना निको भएका छन् । हालसम्म संक्रमणमुक्त हुनेको संख्या २ लाख ६६ हजार ३६६ पुगेको छ ।
आइतबार थप २ जनाको मृत्यु भएको छ। यो सँगै कुल संक्रमित मृतकको संख्या २ हजार २९ पुगेको छ।
यस्तै हालसम्म १०२ जना क्वारेन्टीनमा रहेका छन् । हालसम्म २० लाख ७१ हजार ७ जनाको पीसीआर परीक्षण गरिएको छ ।
© 2025 All right reserved to khabarcnter.com | Site By : Sobij