२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । भक्तपुरमा एक अन्दाजी ५० वर्षीय पुरुषको मृत्यु भएको छ । सवारी दुर्घटनामा परी पुरुषको मृत्यु भएको हुनसक्ने प्रहरीको प्रारम्भिक अनुसन्धानमा देखिएको छ ।
बुधवार राति मध्यपुर ठिमी नगरपालिका १ लोकन्थली मनहरा सडक खण्डमा लोकन्थलीबाट कोटेश्वर जाने सडकमा मानिस लडिरहेको देखेपछि गस्तीमा रहेको प्रहरी टोलीले घाइते पुरुषलाई मध्यपुर ठिमी अस्पताल पुर्याएको थियो ।
तर अस्पताल पुगेपछि चिकित्सकले मृत घोषणा गरेको महानगरीय प्रहरी परिसर भक्तपुरका डिएसपी दीपक गिरीले जानकारी दिए । मृतकको सनाखत हुन सकेको छैन । उनले कालो धर्के सर्ट, कालो ट्राउजर र खैरो जुत्ता लगाएका थिए । मृतकको साथबाट कुनै पनि परिचय खुल्ने कागजपत्र, मोबाइलसमेत फेला नपरेको प्रहरीले जानकारी दिएको छ ।
सवारीले ठक्कर दिएर मृत्यु भएको हुनसक्ने आशङ्कामा प्रहरीले ठक्कर दिने सवारी साधनको खोजी भइरहेको जनायो । घटनाको थप अनुसन्धान भइरहेको जानकारी प्रहरीले जनाएको छ ।
© 2025 All right reserved to khabarcnter.com | Site By : Sobij
