२०८२ भाद्र १३ गते शुक्रवार
रोल्पा । रोल्पाका जिल्लाको सुनछरी गाउँपालिका वडा नं. १ का २७ वर्षीय राजु विक र रुकुमपश्चिम मुसिकोट नगरपालिका रातामाटाको २७ वर्षकै विवेक खड्का पक्राउ परेका छन् ।
जिल्ला प्रहरी कार्यालय दाङका प्रमुख एसपी गणेश चन्दका अनुसा विक रोल्पाको सुनिलस्मृति गाउँपालिका वडा नं. ३ को सुलीचौर बजारबाट माघ ५ गते र रुकुम पश्चिमका खड्का माघ ८ गते काठमाडौंबाट पक्राउ परेका हुन् ।
विक असोज २५ गते दाङको घोराही उपमहानगरपालिका वडा नं. ९ बनगाउँबाट बेलुका ८ बजे फरार भएका थिए । रा५प ९४३३ नम्बरको मोटरसाइकलमा सवारमध्ये विनोद डाँगी र घनसिंह टमोटालाई भने प्रहरीले नियन्त्रणमा लिन सफल भएको थियो । उनीहरूको साथबाट प्रहरीले ३ किलो ७ सय ५० ग्राम अफिम र एउटा चितुवाको छाला बरामद गर्न सफल भएको थियो ।
त्यस्तै, घोराही १५ बुद्धि ग्यारेजनजिकै डेरा गरी बस्ने सन्तोष वलीको कोठाबाट ७ ग्राम ८ सय ५० मिलिग्राम ब्राउन सुगर बरामद भएपछि रुकुम पश्चिमको मुसिकोट नगरपालिका रातामाटाका खड्का फरार भएका थिए ।
© 2025 All right reserved to khabarcnter.com | Site By : Sobij